အညတရ သူရဲကောင်း ငါးဦးကို ဒေါ်စုမွေးနေ့မှာ ဆုချီးမြှင့်

ချင်းမိုင်၊ နယူးဒေလီ (မဇ္စျိမ) ။ ။ အမျိုးသားဒီမိုကရေစီအဖွဲ့ချုပ် NLD ဥက္ကဋ္ဌ ဒေါ်အောင်ဆန်းစုကြည်၏ ၆၇ နှစ်မြောက် မွေးနေ့ အထိမ်းအမှတ်ပွဲကို ရန်ကုန်မြို့ ရွှေဂုံတိုင်ရုံးချုပ်တွင် ကျင်းပခဲ့ပြီး တတိယအကြိမ် ‘အညတရ သူရဲကောင်းဆု’ ချီးမြှင့်ခြင်းလည်း ပြုလုပ်ခဲ့ကြကြောင်း သိရသည်။

အင်းစိန်ထောင်ရှိ ဦးခေမာစာရ (ခ) ကိုချမ်းသာ၊ မြင်းခြံထောင်ရှိ ဒေါက်တာကျော်ကျော်၊ သာယာဝတီ ထောင်ရှိမောင်လက်ျာထွန်း၊ မြင်းခြံထောင်မှ လွတ်မြောက်လာသည့် မလှလှမော၊ ပုသိမ်ထောင်မှ လွတ်မြောက်လာသူ ကပ်ခန့်ခွာ (ခ) အန်ထော်နီ တို့ကို ငါးဦးကို ‘အညတရ သူရဲကောင်းဆု’များ ချီးမြှင့်ခဲ့ခြင်း ဖြစ်သည်။

“ဒီနေ့ အန်တီ့မွေးနေ့မှာ အညတရဆု ချီးမြင့်တယ်။ တကယ့်ကို နာမည်လည်း မထွက်ဘဲ နိုင်ငံရေးထဲမှာ ဝင်ရောက် လုပ်ကိုင်ပြီးတော့ အနစ်နာခံတဲ့လူတွေကို ဘုန်းကြီး၊ တိုင်းရင်းသားတွေ အားလုံး ပါဝင်အောင် တဦးချင်း ဆုပေးရေး အဖွဲ့က ရွေးချယ်လိုက်တယ်” ဟု ပြည်သူ့လွှတ်တော်အမတ် မဖြူဖြူသင်းက ပြောသည်။

ထိုဆုကို ၂ဝ၁ဝ ခုနှစ်မှ စတင်၍ ဂျပန်ရောက် မြန်မာပြည်သားများ ကမကထပြုခဲ့ခြင်း ဖြစ်ပြီး လူသိမများသော်လည်း တိုင်းပြည်နှင့် ဒီမိုကရေစီအရေး လုပ်ဆောင်သူများအား ချီးမြှောက်လိုခြင်း၊ ယင်းကဲ့သို့ လူများ ပိုမိုပေါ်ထွန်းလာရေးနှင့် ပြည်တွင်း ပြည်ပ ဒီမိုကရေစီ လှုပ်ရှားသူများ ပူးပေါင်း ဆောင်ရွက်နိုင်ရေးအတွက် ရည်ရွယ်ခြင်း ဖြစ်သည်ဟု ဆုချီးမြှင့်ရေး ကော်မတီ - ဂျပန်မှ တာဝန်ရှိသူ ကိုမင်းထက်ဇော်က မဇ္စျိမကို ပြောဆိုခဲ့ဖူးသည်။

ဒုတိယအကြိမ် အညတရ သူရဲကောင်းဆု (၂ဝ၁၁ ခုနှစ်)ကို ဦးဝိရသူ (ခ) ဝင်းခိုင်ဦး၊ ကိုဇေယျာအောင် (မြစ်ကြီးနားထောင်)၊ ကိုသန့်ဇော် (သရက်ထောင်)၊ ဦးစွမ်းလှအောင် (ကျောက်ဖြူထောင်)နှင့် မမာမာဦး (ဗန်းမော်ထောင်) တို့ ရရှိခဲ့ပြီး ၂ဝ၁ဝ ခုနှစ်က ပထမအကြိမ်အဖြစ် မဂ္ဂင်ကျောင်းဆရာတော် ဦးအိန္ဒက (လားရှိုးထောင်)၊ ဘိုးတော် ခင်ဝင်း (ခ) ဦးခင်ဝင်းနှင့် ကိုသန်းနိုင် (မအူပင်ထောင်)တို့က ရရှိခဲ့ကြဖူး သည်။

နံနက် ၁ဝ နာရီခွဲတွင် နိုင်ငံရေး အကျဉ်းသားများ လွတ်မြောက်ရေးအတွက် မိုးပျံ ပူပေါင်းများ လွှင့်တင်ခြင်း၊ ချိုးငှက် များ လွှတ်ခြင်းဖြင့် ဒေါ်အောင်ဆန်းစုကြည်၏ မွေးနေ့အတွက် မွေးနေ့ သီချင်း သီဆိုကာ ပွဲကျင်းပခဲ့သည်ဟု ဗဟို အမျိုးသမီး လုပ်ငန်းအဖွဲနှင့် ဘဏ္ဍာရေးအဖွဲ့ဝင် ဒေါ်အေးအေးမာက ပြောသည်။

ဒေါ်အောင်ဆန်းစုကြည်၏ ၆၇ နှစ်မွေးနေ့ မြန်မာနိုင်ငံအမျုိုးသမီးများနေ့အတွက် ဗဟိုအမျိုးသမီးအဖွဲ့မှ စာတမ်း တင်သွင်းခဲ့သည်။

“အခုအချိန်မှာ ဒေါ်အောင်ဆန်းစုကြည်ရဲ့ ဦးဆောင်မှုကနေ ပြန်ပြီးတော့ ထွန်းလင်း တောက်ပြောင် လာ တယ်ဆိုတဲ့ အကြောင်း၊ အမျိုးသမီးများအနေနဲ့ စစ်မှန်တဲ့ ဒီမိုကရေစီ ရရှိရေးအတွက် ဒေါ်အောင် ဆန်းစုကြည်ရဲ့ နောက်ကနေ ကျမတို့က ဆက်ပြီး တာဝန် ထမ်းဆောင်သွားမယ်ဆိုတဲ့ စာတမ်းပါ” ဟု မဇ္ဈိမကို ပြောသည်။

ထို့ပြင် ဒေါ်ခင်ကြည် ဖောင်ဒေးရှင်းအတွက် အနယ်နယ်အရပ်ရပ်မှ အလှူရှင်များ လှူဒါန်းခဲ့သော အလှူငွေ ကျပ် ၅၆ သိန်းအား အဖွဲ့ချုပ် ဒုဥက္ကဋ္ဌ ဦးတင်ဦးအား လွှဲပြောင်း ပေးအပ်ခဲ့သည်။

အခမ်းအနားသို့ အဖွဲ့ဝင် ၃ဝဝ ကျော် တက်ရောက်ခဲ့ပြီး ရန်ကုန်တိုင်း ကမာရွတ်၊ လမ်းမတော်၊ စမ်းချောင်းမြို့နယ်များ အပါအဝင် အခြား မြို့နယ်များတွင်လည်း မွေးနေ့အခမ်းအနား ကျင်းပခဲ့သည်ဟု သိရသည်။

ရန်ကုန်မြို့ တော်ဝင်နှင်းဆီစားသောက်ဆိုင်တွင်လည်း နိုင်ငံရေး အကျဉ်းသားဟောင်း မဇင်မာအောင်နှင့် မခင်လေးတို့ ဦးဆောင်၍ ဟောပြောပွဲများ၊ စာတမ်းဖတ်ပွဲများ ဖတ်ခြင်းဖြင့် ဒေါ်အောင်ဆန်းစုကြည်၏ မွေးနေ့အထိန်းအမှတ်ပွဲ ကျင်းပခဲ့သည်ဟု မခင်လေး က ပြောသည်။

အမျိုးသမီး စာရေးဆရာမ ၁၁ ဦး၏ အမျိုးသမီးအခွင့်အရေးနှင့်တန်ဖိုး စာတမ်းဖတ်ခြင်း၊ ဒါရိုက်တာ ကြည်ဖြူရှင်၏ မှတ်တမ်းရုပ်ရှင် ပြသခြင်း၊ ရှေ့နေတဦး၏ အမျိုးသမီးနှင့်ဥပဒေ ဆိုသည့်စာတမ်း ဖတ်ခြင်း၊ ချင်းအမျိုးသမီးများ၏ ဝါးညှပ်အက ကပြခြင်း၊ လွှတ်တော် ကိုယ်စားလှယ် မဖြူဖြူသင်း၊ 7 days ဂျာနယ်မှ အယ်ဒီတာ ဒေါ်ငြိမ်းငြိမ်းနိုင်နှင့် NGO မှ ဒေါ်ထားထားတို့၏ ဆွေးနွေးချက်များ ပါဝင်သည်ဟု မခင်လေးက ပြောသည်။

စစ်ကိုင်းတိုင်း၊ တမူးမြို့ ဧမာနွေလ နှစ်ချင်းအသင်းတော် IBC ခန်းမဆောင်တွင်လည်း အင်္ဂါနေ့ နံနက် ၁၁ နာရီက အမျိုးသမီးများ ဦးဆောင်၍ ဒေါ်အောင်ဆန်းစုကြည် မွေးနေ့ အထိမ်းအမှတ်ပွဲတခု ကျင်းပ ခဲ့ကြသည်။

“သူ့ကို ကျမတို့ ချီးကျူးတယ်။ ဂုဏ်ပြုတယ်။ သူ ဦးဆောင်မယ်ဆိုလို့ရှိရင် ကျမတို့ တိုင်းရင်းသား အဖွဲ့တွေနဲ့ အစိုးရကြားမှာ လုပ်နေတဲ့ ဆွေးနွေးပွဲတွေ လုံးဝ အောင်မြင်မယ်လို့ ကျမတို့ ယုံကြည်တယ်။ ဒါကြောင့် ဒေါ်စုကို ဦးဆောင်စေ ချင်ပါတယ်။ ငြိမ်းချမ်းရေးလုပ်ငန်းမှာ ကျမတို့ အမျိုးသမီးတွေလည်း ဦးဆောင်တဲ့နေရာမှာ ပါဝင်စေ ချင်တယ်။ အမျိုးသမီးတွေ ငြိမ်းချမ်းရေးလုပ်ငန်းစဉ်မှာ မပါခဲ့ရင် အားနည်းချက်တွေ ရှိလာနိုင်တယ်။ ထိထိရောက်ရောက်အောင်မြင်မယ် မထင်ဘူး” ဟု ကူကီးအမျိုးသမီး အဖွဲ့မှ မငိုင်ငိုင်းက ပြောသည်။

လူ ၅ဝ ခန့် တက်ရောက်သည့် ထိုပွဲတွင် ငြိမ်းချမ်းရေးနှင့် ပတ်သက်၍ သဘောထားများ ဆွေးနွေး ဖလှယ်ခြင်း၊ဒေါ်အောင်ဆန်းစုကြည်၏ ကျန်းမာရေးအတွက် ဆုတောင်းပေးခြင်း၊ မြန်မာတပြည်လုံးနှင့် ကချင်ပြည်နယ်နှင့် ရခိုင်ပြည်နယ်တို့တွင် ဖြစ်ပွားနေသော ပဋ္ဋိပက္ခများအတွက် ဆုတောင်းပေးခဲ့သည်ဟု သိရသည်။

မွေးနေ့ရှင် ဒေါ်အောင်ဆန်းစုကြည်သည် သူ၏ မိသားစုနေခဲ့သည့် အင်္ဂလန်နိုင်ငံ၊ အောက်စဖိုဒ့်မြို့တွင် သူ၏ သားနှစ်ဦးနှင့်အတူ မွေးနေ့မှာ အတူရှိနေမည် ဖြစ်ကြောင်း သိရသည်။